Som 51

           Pawdoné mwen
1 An som david
2 Dapré péché ya i té fé ya
3 Ô Bondié, pwan pityé di mwen akoz de lanmou'w!
Tandrès-ou twè gwan: éfasé péché mwen.
4 Lavé mwen byen pwòp de tout fòt mwen,
É de péshé mwen, nétwayé mwen.
5 Wi, mwen ka rikonnèt tô mwen, é péché mwen toujou douvan zié mwen.
6 Kont' wou, é wou sèl, mwen péché,
Mwen fè sa ki té mal douvan ziéw. Konsa, ou ni rézon, lèw ka désidé, ou san défo lèw ka jujé.
7 Wi, dépi lè mwen né, mwen matjé paw péché ya, dépi lè mwen té an vant' manman mwen, mwen plonjé dan le mal.
8 Mé ou lé la vérité an fon tchè.
Ou ka apwann konsians mwen, la sajès.
9 Tiré péché ya an didan mwen é konsa mwen ké pwòp, lavé mwen, é mwen ké nétwayé.
10 Fè mwen tann bèl mizik de fèt.
Alôw mwen ké dansé de jwa, mwen, ke ou brizé ya.
11 Détounen fidjiw di péché mwen, éfasé tout' fòt mwen.
12 Ô Bondié, kréyé an didan mwen, an tjè ki pwòp, mété an didan mwen an lòt lespwi, ki ataché a wou.
13 Pa ékarté mwen lwen diw, pa tiré Lespwi sen'w lan, an didan mwen.
14 Ribamwen lajwa, ke mwen sové vrèman, soutni mwen épi an lespwi ki bon.
15 MOun ki paka koutéw, mwen ké apwann yo fè saw lé, é sé koupab la, ké rivini a wou.
16 Bondié, libératè mwen, délivré mwen di lanmô!
17 Sényeur, ouvè lèv mwen, pou boush mwen chanté lwanj-ou.
18 Non, ou pa lé sakrifis.
Menm si mwen ka ofèw an bèt an nantyé, sa péké fèw plézi.
19 Sakrifis la, mwen lé baw la, sé mwen menm, épi an lòrgèy ki brizé.
20 Fè di byen a vil siyon yan,fèy di byen,
Viré rikonstwi Jéruzalèm.
21 Konsa ou ké aksèpté sé sakrifis la ou mandé nou-an, bèt ki gwiyé, konsa nou ké pé ofèw towo anlè lotèl ou-a.