Sóm 141
Sényeur mwen ka kriyéw

1 An Som David
Sényeur mwen ka kriyéw, vini vit bò mwen!
Kouté mwen: mwen ka apléw!
2 Ke lapwiyè mwen, kon an lafimen lansan, ki ka monté bów!
Ke dé lanmen mwen lévé, kon an sakrifis du swar!
3 Sényeur, véyé boush mwen, gadé lapòt lèv mwen.
4 Pa kité tjè mwen di bagay ki méshan.
Mwen pa lé partisipé, adan plézi yo-a.
5 An moun ki ka obéyi Bondié, pé frapé mwen é korijé mwen, paw amitié.
Mé mwen ka rifizé, tout'jès amitié, di an moun ki mové .
Poutan, mwen lé kontinié priyé, magré tout mal la, yo ka fè ya.
6 Lè yo ké jété sé shèf yo-a anlè an wóch, sé lènmi mwen yan ké wè, ke mwen téka di lavérité.
7 Menm manniè siyon-an, ka ouvè tè ya, lèw ka labouré ; mond'lan: koté ya ke sé moun mô-a yé-a, ké ouvè kóy, pou valé zo sé moun tala, ki simen toupatou-a.
8 Mwen ka tounen zié mwen an dirèksyon'w, Sényeur Bondié mwen.
Abwi mwen, sé wou: Gadé mwen an vi!
9 Pwotéjé mwen de tout' pièj yo mété,
De tout' anbuskad ke sé moun mové ya préparé !
10 Wi,moun ki mové , ké tonbé an pwóp pièj yo, mé mwen, mwen ké pasé.