2 KORENTJEN 6:14

 

Pa mété kòw épi moun ki paka kwé an JÉZU anba lanmen satan.

Pas' pani piès rapòw .

 Annéfè ki rapòw ki ni ant Bondié épi satan pani pyès .

lè nou paté konnèt Bondié , nou té ka kouri toupatou, kay sòrsié, malfentè, tjenbwazen, vodou, lékòl filozofik satanik kòm: iliminati , franmason, lawòzkwa, marikali é byen dòt. Jòdijou kisa tout sé bagay tala pòté baw ; plis malè, pas' dézòrmè ou lié épi satan , épi konsernan sé lòj filozofik la, plis' pawòl pwayen an tèt ou , é ki pépa sové nànm ou. 

sé plis tablati ou mété anlè kòw.

Mwen, sa mwen téké voudré pouw, sé ke adan tout kòus fòl-ou a, kiw arété kòw tibren .

é pozéw kòw lé bòn kèstyon. Kòm : " ki moun ki kréyé nàm-ou, épi lèspwir" ?

Èske ni an moun ki pé sové nàm mwen lè kò charnèl mwen ké mò ?

Mwen ka baw répons lan: JÉZU sèl !

i kréyé lespriw épi nàm-ou é osi i vini pou sovéw. Mé sé si ou lé !

Bondié sé papa moun ki ka kwè an JÉZU, i voyé JÉZU pou an sèl rézon, sové moun ki ka kwè an li, moun ki akseptéy kòm sovè yo. ou ka wè !

 

Siw anviy sovéw, ou pé fè ti lapriyè tala.

 

SÉNIEUR JÉZU , MWEN SAV KE MWEN SÉ AN PÉCHÈ.

MÉ OSI MWEN KONPWANN PAW MÉSAJ TALA, KI'W FÈ MWEN PWAN KONSIANS KE SAN-OU, PÈSONN PÉPA ALÉ AN SyÈL. PAS' SÉ WOU KI CHIMEN YAN , LAVÉRITÉ É LAVI.

LAVÉ MWEN JÒDIYA ÉPI SAN'W, ÉFASÉ PÉCHÉ MWEN , FÈ MWEN NÉ DE NOUVO SÉNYEUR.

MWEN KA AKSÈPTÉW JÉZU KÒM SOVÈ PÈRSONÈL MWEN . ENSISWATIL

 Pou rivini anlè franmason, sé yo ki pòté plis konparézoni , yo ozé ba Bondié anlòt Non "Granharchitèk la".

(antrenou fòk ou sav ke non granharchitèk la, mété pou satan, sé 33 zièm degré franmason-an, pa menm sav sa, mé sé pliwo ki sav sa, pas' ni plis ki 33 degré).

Alòw ke Bondié ka mandé yo di kwé an JÉZU pou yo sové, yo, sé an Non yo ka chèché bay. Mi mafouti !

Ou ni lawozkwa-a : ki pousé ardiès li pli lywen ankò é mwen ké di menm o blasfèm.

 Mi sa yo di:"Jézu sé an mèt parmi lé mèt".

Di mwen si sé pa la foli ka fè an moun di an kouyonnad konsa.

Yo anni fè kò yo légal de Jézu; Sapristi !

Paté ka mantjé ayen ankò.

An moun ka né an jou . yo ka nouriy épi tousa Bondié kréyé ,i ka grandi , ka fè dé twa jou létid. Épi an jou konsa ,i ka kité kòy alé , diad'la ka monté an tèt li, i ka anni déklaré an bétiz, an kouyonnad, kwa!

 Mi say ka di :" JÉZU sé an mèt parmi lé mèt", mi sésa i ka di kòm pawòl pwayen.

Pli grav ankò, sé kiy ka antréné dòt moun adan menm vwa satanik li ya.

É blasfèm lan, an dizan ke Jézu sé an Mèt parmi lé Mèt, yo lé fè kó yo, égal à Jézu , Li ki sé : sèl Mèt,sèl Wa, sèl Séniè é sèl sovè pou tout' tan ki ni . Ensiswatil.

Pou wou ki ka kwè an JÉZU jòdiya, ki za mété tout sé bétiz tala dèyè dow atjèlman.

PA RÉDI CHARÈT PÉCHÉ DÈYÈW ANKÒ . Ensiswatil

PASTÈ HASH