Jòdiya ou di ke, ou pa bizwen Bondié; sétunfèt, wi! 

É yo ka wèw pa bizwen-i vréman, dapré konpòwteman-w!

Mé mwen lé kléré lèspriw, pou fèw byen konpwann an bagay:"Tousa an moun fè: an byen ou an mal, sa ékwi." Kikoté? Anlè liv la! liv la ki douvan Bondié ya.

Liv tala ni tout bagay ékwi anlèy, dépi lèw poko té né, jiska jòdiya , o moman-an menm ,ou ka li ya.

Ou ka wè!

Tousa ou fè an byen ou an mal , anlè liv la.

Ou péké pé di Bondié ke ou pa fè ayen, piske bay'la matjé douvan-i , ou konpwan-an!

Bondié paté bizwen liv, pas' i paka oubliyé ayen.

Mé i matjéy kan menm, pouy pé sa montréw li , é pouy liy baw. Pas' menm la ankò, ou té pé di Bondié ke sa pa vré say ka di ya ! Alòw i matjé-i baw !

I ka sanm mwen, ke sété pito wou, ki té dwèt pwan an ti karnénòt, pouw té matjé tout ti zafèw!

Konsa ou té ké pé ékwi  : lèw ka fè byen! Pas' dapréw , ou pa janmen ka fè mal! tousa ou za fè jiska jòdiya, pouw, sé byen ! Ou pa jen fè mal !

Tousa konsa, ou téké pé matjéy anlè ti karnéw la :"Bondié mwen pa janmen fè mal"!

É byen lésé mwen diw: menm siw té matjéy, liv la Bondié ni yan, téké kontredi taw la .

I téké fèy pwi difé toubanman!

Pas ou téké matjé yen ki mensonj kòm ou ka santi kòw telman pùr, ou paté ké janmen matjé :

"ke ou za manti anlè moun, kèw za fè anlo fo témwanyaj san preùv, ké ou kolaboré pouw té fè yo kondané moun , ke sa ou ka li an bib la, sé li ou ka liy sèlman, mé ou paka mété ayen an pratik." Bondié di louwéy ! épi mizik sanktifié, mé wou ka fè mizik pou jijé moun, é menm lèw ka chanté an vrè louanj, sé chanté tousèl pou la fwìm, mé pa pou glorifié Jézu. eksétéra, eksétéra...

Mé liv Bondié ya, li, i ni tousa andidan-i, tousa ou fè an kachèt , i ké météy an limiè baw.

Paske,Li BONDIÉ, i TÉ KA WÈW! Jou tala ké ni pléré gwo dlo, mwen lé di , lè jou jijman-an ké rivé, é ke i ké ouvè liv li ya.

O moman-an, ou téka fè tousa ou té lé ya, pétèt ou té ka di:" Bondié paka wèw".

Mé lésé mwen diw: Pétèt osi, ou oubliyé sa ki ékwi an bib la! Mi sa ki ékwi: " Bondié ka wè tout bagay , pas tout bagay aklè douvan-i."

Moun ki ka sèvi Bondié, Bondié anmen yo, pas' sé yo i voyé pou raché anlo moun anba lanmen lisifè, é fè yo konnèt lavérité.

Sa vwé ke lisifé sé an stratéj, é sé pousa touléjou , i ka itilizé stratéjiy pou fè sé WEN Bondié ya tonbé, mé non sèlman Bondié ka rilévé yo, mé ankò, i ka ba yo plisfòs, pou yo pé kontinié travay la, é pou yo pé menm ékwi saw ka li la a.

Alòw mwen lé diw, wou!  Pa di ankò ke ou pa bizwen Bondié.

É pou lót la, ki pètèt téza konnèt li ya, ridrésé chimenw . Sa ka kriyé kòy: Larepantans ! ensiswatil.

Pastè HASH