Sóm 37
1 Sóm David
Pa mété ków an kolèw, kont' moun ki mové,
Fo paw jalou moun ki malonèt.
2 Wi, yo ké séché pli vit ki zèb, yo ké fané, kon sé fèy vèr la.
3 Mété konfyans ou, an Bondié, fè sa ki byen.
4 Trouvé jwar an Bondié, é i ké baw sa tjèr ka déziré.
5 Ba Bondié lavi'w, mété konfyans ou an li, épi i ké aji.
6 i ké mété inosans ou aklè, kon lè jou-a ka lévé, é ké défann kóz ou, kon lè solèy la an plen midi.
7 Rété an silans douvan Bondié, é atann li.
Pa mété ków an kolèw, kont moun ki ka réyisi ,
Kont moun ki ka fè vié kou.
8 Lésé kolèw la, pa ajité ków.
Kalmé ków, sinon sa péké bon pou'w.
9 Wi, tout moun ki ka fè le mal ké éliminé.
Mé sé tala, ki ka konté asou Bondié ya, ké ni péyi ya pou ta yo.
10 Dan tibren tan ankó: péké rété moun mové.
Ou ké gadé koté ya i té yé ya: Ou péké wè pèsonn.
11 Mé moun ki senp, sé yo ki ké posédé péyi ya, é yo ké gouté a lapè.
12 An moun ki mové , ka préparé anlo vié kou, kont' moun ki ka obéyi Bondié .
I ka tiré dan'y déwó pou menasé'y.
13 Mé Bondié ka motjé kóy di moun mové ya,
Paske jou-a i ké jujéy la, pa lwen.
14 Moun mové ka pwan lans' yo.
Yo ka préparé ark yo, pou yo fè moun ki póv é maléré tonbé, pou yo twjé moun ki pwan bon chimen.
15 Mé lans' tala, ké antré an tjè sé moun mové ya, é ark yo-a ké brizé.
16 Moun póv la, ki ka obéyi Bondié ya, vomié pasé tout' richès sé moun rich la.
17 Wi, pouvwar sé méchan-an ké détwi, mé Bondié ka soutni, moun ki ka obéyiy.
18 Bondié konnèt lavi sé moun'lan ki ka kondwi kó yo byen yan.
Péyi ya i ba yo-a, ké ta yo pou toultan.
19 Lè malè ya ké vini, yo péké kouvè épi lawont.
Kan lafamìn ké la, yo ké ni manjé.
20 Wi, Sé moun mové ya ké mó, tout' lènmi Bondié ké disparèt kon zèb ki adan chan.
Yo ké pati kon lafimen, kon lafimen, yo ké pati.
21 Moun mové ya, ka mandé prété, mé i paka rann, mé moun'lan ki ka obéyi Bondié ya, ni pitjé é i ka partajé.
22 Tout' moun ke Bondié beni, ké posédé péyi ya.
Say modi, ké mó.
23 Lè lavi an moun, ka fè Bondié plézi, Bondié ka édéy maché épi asirans.
24 Siy pèd lékilib, i paka tonbé, paske Bondié ka tjenbéy pa lanmen.
25 Mwen té jenn, é atjèlman mwen vié.
Mé mwen pa janmen wè an moun ki ka obéyi Bondié, rété san sekouw, mwen pa jen wè ti manmay li mandié manjéy.
26 Touléjou, moun'lan ki ka obéyi Bondié ya, ni pitjé é i ka prété,
Sé tyanmay li ya sé an bénédiksyon pou'y.
27 évité fè le mal, fè plito sa ki byen, é ou ké abité péyi tala pou tout'lè.
Wi, Bondié anmen sa ki dwèt, i paka abandoné ami fidèl li.
I ka véyé asou yo pou toujou,
Mé sé yich sé moun mové ya, ké mó.
29 Moun ki ka obéyi Bondié ké ni péyi ya, é yo ké rété la pou toultan.
30 Moun ki ka obéyi bondié,ka di sa ki jiskont.
Bouch li ka di sa ki vré.
31 Lwa Bondiéy an tjèy, é i paka riské tonbé.
Sé moun mové ya, ka gété moun ki ka obéyi Bondié, pou yo chèché twjéy.
33 Mé Bondié paka abandonéy an lanmen yo.
Si yo pou jujéy, i paka kité yo kondanéy.
Mété tout' èspwar-ou an Bondié, swiv chimen'y.
I ké rann-ou gwan, konsa ou ké ni péyi, é ou ké wè lanmó sé méchan-an.
35 Mwen wè moun mové ya , vini twè pwusan, i dévlopé kóy, kon an gwo pyébwa liban.
36 Mé i mó, i paka èkzisté ankó.
Mwen chèchéy: i disparèt.
37 Gadé, moun onèt la, gadé moun'lan ki ni bon tjè ya.
Moun'lan ki anmen lapè ya, ké viv lontan.
38 Mé sé moun'lan ki anmen péché ya, okontè yo ké détwi, yo tout ansanm, é sé tyanmay sé moun mové ya ké mó.
39 Bondié ka sové moun ki ka obéyiy.
Lè an malè ka vini, i ka pwotéjé yo épi pwusans.
40 Bondié ka édé yo, é i ka délivré yo.
I ka délivré yo di moun méchan , é i ka sové yo, pas' yo ka abwité kó yo an li.