Som 4

                   Lèw bizwen Pwotèksyon
1 An Sóm David
2 Bondié réponn mwen lè mwen ka kriyéw, sé wou ki ka fè mwen justis.
Lè tout' kó mwen té krazé, ou rimété mwen doubout´.
Souplé, kouté lapwiyè mwen.
3 Zót, lézóm, zót ataké lonè mwen,
Zót anmen sa ki pa vo ayen, zót ka kouri dèyè mansonj.
Pou konbyen tan ankó?
4 Apwann sa: Bondié ka onoré ami fidèl li,
Bondié ka kouté mwen, lè mwen ka apléy.
5 Si zót an kolèw, fopa zót péché.
Réfléchi pandan lannwit lan, é fè silans'.
6 Ofè sakwifis la ki mandé ya, é fè Bondié konfyans.
7Anlo moun ka plenn kó yo, yo ka di: Ki moun ki ké mété jwa an tjè nou?
Bondié fè limyè fidjiw briyé asou nou!
8 Lè la rékólt rivé,tout' moun kontan:
Tout' grenié plen, diven yan ka koulé aflo.
Mé wou , ou ka mété an tjè mwen, plis' jwa ankó.
9 Mwen ka alé dómi an pè, é tout'swit mwen ka pwan somèy.
Pas' sé wou sèl Sényeur' ka fè mwen viv an sékirité.