Sóm 34
                                         Mwen pa pè ankó
1 Lè David té douvan Abimélèk
Mwen lé rimèrsié Bondié a shak enstan,
Boush mwen ké toujou chanté lwanj li.
3 Mwen twè fyèr di Bondié.
Zòt, sé moun senp'lan,kouté mwen , épi zót ké dan la jwa!
4 Di sa épi mwen: "Bondié gran!",
Annou chanté non'y ansanm.
Mwen chèché Bondié é i réponn mwen,
Mwen pa pè ayen.
6 Moun ki ka gadé an li, ka briyé épi jwa,
Fidji yo, pani la wont' anlèy.
7 Lè an maléré ka kriyé, Bondié ka tann li,
É i ka sové'y di tousa ki ka fèy pè.
8 Lanj Bondié ya ka kanpé alantou sé moun'lan ki ka rèspèkté Bondié ya, é i ka délivré yo.
9 Gouté épi wè, kouman Bondié bon.
i euweu, moun'lan ki ka abwité kóy an li ya!
10 Zót ki tyanmay Bondié, rèspèktéy!
11 Sé lyon an, pé konnèt la dizèt , yo pé pani manjé pou yo manjé, mé sé moun'lan ki ka chèché Bondié ya, paka mantjé ayen.
12 Vini, é kouté sa, zanmi mwen!
Mwen ké apwann zót kouman rèspèkté Bondié.
13 Èske ou lé ni an bèl lavi?
14 Alów pa palé moun mal, évité manti.
15 Fè le byen, pwan distans épi tousa ki mal, chèché la pè, é swiv li.
16 Zié Bondié fixé, anlè tout' moun ki ka obéyiy,
Zorèy li, ka tann tout' kwi yo.
17 Mé i ka opozé kóy, a tout' moun ki ka fè le mal, i lé éfasé non yo asou tè ya.
18 Sé moun'lan ki ka obéyiy la, Bondié ka tann yo, lè yo ka kwiyé a li, é i ka délivré yo, de tousa ki ka fè yo pè.
19 Bondié toupré sé moun'lan tjè yo brizé ya,
i ka sové sé tala ki dékourajé ya.
20 Moun'lan ki ka obéyi Bondié ya, ké soufè anlo, mé Bondié ka délivré de tout' sé soufrans tala.
21 i ka protéjéy: é pyès zo'y paka kasé.
22 Moun mové ya ké mó, akoz de méchanstéy,
Sé ènmi sé moun'lan ki ka obéyi Bondié ya, ké pini.
23 Bondié ka sové lavi sé sèrvitèy la.
Parmi sé tala ki ka abwité an li ya, yo pyès péké pini.