Wi sé konsa i yé pawol Bondié, i kon an dézerban , ka twé tout vié zèb .

Sa vé di ke lèr ka li pawol la.ou ka nouri lèspwi'r sé vré, mé ou ka surtou twé tout' vié pansé ki an nàm ou.Paske lèr ka li bib'la, pawol la ka alé an nàm ou , donk tout vié pansé ki an didan'i, ka brilé.Pawòl la ka twé tout' vié pansé i ka éliminé yo tout'.Pawol la , sé an difé, i ka brilé diab'la , i ka twé tout' vié zèb ke lisifè planté. i kon an koutla ka koupé tout' vié rasin piéd bwa pou anpéché yo ripousé.Mi sésa ki pawol la ; sé pou sa ke fo paw fè parès pouw pa liy.Pas' ou pé mété nanm ou an danjé .Dépiw lésé diab'la tann ou ka di : " mwen pani tan li bib mwen", ou za pwan fè .Sé an gran lapòt ou ouvè bay, é kwè mwen i péké ézité pasé an didan-i, fòk sonjé ke i pa pèr.Ni twa moun i pè.Bondié , Jézu , é sentespri ya .Wou i pa pèr pyès ; pa kwouyonné kòr !Sèlman siy wè Jézu ka viv andidan'w, la i ké fè machawyiè.Mé pa fè kòw iluzion paske ou ka alé o tanp toulé dimanch ou samdi , mwen pa sav! ou légliz , ke ou ka chanté an koral (jan'w gospèl) , ou ka kouté mésaj , pouw konpwann ou sé an krétjen ki fò .Sa pa vré pyès non !Sé siw ka fè , sa Jézu diw fè ya , ke ou a labwi ;Lisa ou ké wè : Lévanjil JAN an: chapit 15:7 mi sa ki di : " Si zòt fè chwa tala de viv pou mwen , é ke zòt mété kò zòt ka rèspèkté pawòl mwen, mandé mwen sa zòt lé, é bagay tala , zòt pou risouvrèy ."La , ou ka wè byen ke Jézu ka mandé nou , de viv an pawol la, de viv pou pawol la , de fé épi pawol la an manjé pou lèspwi nou , paske pawol la sé li ;é koté ya ke pawol la ka trouvéy la , sé la ki ni délivrans .Pa oubliyé ! Pawol la,ka dézerbé toupatou .Sétadiw i ka twé , tout vié zèb ki ni . Ensiswatil

Pastè HASH