1 Som tala sé lèw wè David té ay séré kòy douvan Absalon.

2 Sényeur , mwen ni anlo ènmi, anlo ka lévé kont mwen. 3 Anlo ka di: Bondié péké Sovéy! "
4 Mé wou, Sényeur ou ka protéjé mwen kon an bouklié, ou ka sové lonè mwen é ou Ka rilévé tèt mwen.
5 A plèn vwa mwen ka kriyé Bondié é i ka réponn mwen di montàn sent li ya.
6 É mwen , mwen ka kouché é mwen ka dòmi.
Lè mwen lévé, Bondié la pou édé mwen.
7 Mwen pa pè tout sé moun tala ki mété kò yo alantou mwen yan;
8 Bondié, lévéw, Sényeur, sové mwen!
Wi, ou frapé tout zènmi mwen an machwè, ou kasé dan sé moun mové ya.
9 Sényeur, sé wou ki ka sové!
Vwéyé bénédiksion'w asou pèp la !