Jézu di: "vini jwenn mwen zòt tout ki fatigé épi chay é mwen ké ba zòt repo." Matjeu 11:28
Légliz'web
Nou kriyé kò nou: " Komunoté lafwa an Jézu".
Lèw ka palé an lang kouraman, jwa'w pli gwan ankò, siw apwann liy épi ékwiy. p.H
Jézu mò baw
Sa sé an lapriyé ke Jézu té apwann sé premié disip li ya.
Matjeu 6:9
Papa nou wou ki an syél la! Ke Non'w sanktifié; Ke koumandman'w rivé; Ke volontéw fèt anlè tè ya kon i ka fèt an syèl la. Ba nou jódiya, pen touléjou nou; Pardoné nou sa nou ka fè ki mal, Kon nou ka pardoné osi moun ki fè nou mal tou; Pakité nou tonbé adan tantasion,Mé délivré nou di diab'la.Paske sé taw yùnn, Koumandman, glaw, épi pwusans pou tout' tan ka vini. Ensiswatil!
Jézu sé chimen yan la vérité épi lavi. Jan 14:6
Jézu di dan Matjeu chap 11:28 :
" Vini jwenn mwen , zòt ki chajé épi chay lavi ya, épi mwen ké soulajé zòt."
Tout' chay lavi tala nou sav ke sé soufrans, maladi, posésyon diabolik é tout' kalité vié pwoblèm.
Mé JÉZU PA PÈ SÉ PWOBLÈM TALA , I SA RÉZOUD YO, PAS' SÉ LI SOLUSYON AN.
Pyès pyébwa pépa pousé san rasìn !
Kolosyen 2:6
Bon ! Menm mannyè zòt aksèpté Jézukrist la, li ki sé sèl Sényeur , maché kon-i mandé ya; fòk zòt anrasiné, é byen stab an li, épi an fwa fèrm, kon yo ansényé zòt la, é anrichi kò zòt , épi rekonésans zòt, pou Bondié . Ensiswatil
ÉZAYI 47:10
Mi sésa ki ké rivé tout' malfentè .
Sétadiw : Majisyen, Tjenbwazè, ougan,vwayan,
Anfen : Tout' moun ki ka tiré djab'la pa latjé .
10 Ou té mété konfyans ou, dan la méshansté, ou té ka di: ke pèsonn paka wèw !
Sajès la, épi konésans lan , ou té ni yan, sédwir.
Ou téka di an tjèw : Mwen ! mwen an zafè mwen !
11 Ébyen ! lésé mwen diw, malè ya, ké tonbé anlèw, ou péké ni tan wè solèy la lévé ; Kalamité ké tonbé anlèw é ou péké pé konjuréy ; ou ké pèd tout saw ni, o moman an menm, ke ou paka atann kòw la . 12 Sé pa la maji ou té ka fè, épi tjenbwa ?
Ou konsakré tou't jénès ou, ka fè sa; Pétèt ou ké pé tiré pwofi di sa, ke ou ké vini an gwo malnèg ? Ébyen non !
13 Ou fatigé kòw afòs ou alé wè vwayan: Di yo vini sovéw, sé mounlan ou téka alé wèya, swadizan ke yo té konnèt syèl la, ke yo téka obsèrvé zétwal, ke yo téka anonsé la plenn lin' épi tousa ki pou rivé ! 14 Ében ! mwen ké diw, sé moun tala sé kon pay' yo yé, difé ké pwi andidan yo , twè vit, yo ké bwilé an lanfè ya : Sé péké kon an ti chabon difé pou chaufé kòw, ni an ti difé ke ou pé asiz bòy ! 15 Sésa ki ké rivé sé mounlan ke ou té ka fatigé kòw alé konsilté ya. É osi sé tala ke ou téka fè biznès épi yo a, dépi lèw té jenn lan, mwen ké chayé yo, É péké ni pèsonn pou vini sovéw .
notrepèw
Pawòl ou,kon an lanp an pié mwen, an limiè asou shimen mwen.
Sòm 119:105
i ni an Tan pou tout' Bagay .
Eklézias 3:1
Alòw pwéparé kòw, pouw aksèpté, say ka pòté baw:"An byen ou an mal". Sé wou sèl ki sav !
9 Wi, Bondyé sa délivré de lépweuv moun ki anmen'y, é rézèrvé sé moun mové ya, pou jou jijman-an,pou pini yo. 2 Pyèr 2:9
Poutji ou ka kriyé kòw krétjen, lèw paka fè sa Jézu mandé.
Adan labib dan lézak dé zapot chapit 11: 26 mi sa ki ékri :
"pou prèmyé fwa ke yo té kriyé KRÉTJEN, moun ki ka kwè an Jézu."
Alòw ! wou ki ka di ke ou ka kwè an Jézu ; é ke ou sé an krétjen.
siw paka kouté sa jézu ka di , é paka fè say ka mandéw fè , alòw ba kòw anlòt Non, mé pa krétjen ! pas an krétjen sé an moun ki ka kouté jézu é ki ka fè , say ka mandéy fè .
Sa pa lé di non pli , ke mounlan ki ka fè volontéy la péké fèb défwa !
Mé moun tala menm si défwa i fèb , i ké toujou gadé konfyans li an Jézu, é jézu ki ka wè sa ki adan tout' tjè, ké toujou jété anlèy an zié plen épi anlo konpasyon .
Pas' moun tala sé an krétjen i yé , é sé pousa Jézu ké toujou èkzoséy.
Pou wou ki ka kriyé kòw krétjen, mé de "NON SÈLMAN" mé osi de "tradisyon" de "koutum " ansèstral , kolonyal.
Frennen kòw épi réléchi, poutji ou ka kriyé kow krétjen!
Ou ké wè ke ou paté janmen krétjen. Poutji ? Sé paske, mounlan ki ka fè di nou an krétjen yan : Sétadiw JÉZU !
ou pa janmen li pawol li, é menm siw té liy, ou pa janmen météy an pratik. Pétèt osi , ke ou ka pasé tout' tan'w ka kritiké moun ki ka éséyé avansé épi JÉZU.
é wou ki paka fè démarch la yo ka fè ya , sé wou ki ka kriyé kòw krétjen . Ou ka wè ! ébyen sé la pwoblém ou yé . Mwen lé diw jòdiya, siw lé vini krétjen toulbon, ba JÉZU tjèw, li BIB'LA , chanjé laviw , épi ou ké sové. Ensiswatil
Pasté HASH
Lè an vié lèspwi sòti adan an moun , kisa ki ka pasé ?
Mi répons lan . Matjeu 12:43
"Lè an mové lèspwi sòti adan an moun, i ka alé adan koté ki sèk pou shèché repo, mé i paka trouvé.
Alòw i ka di : Mwen ké ritounen adan mounlan mwen té yé ya.
Lèy viré antré an kò mounlan, i ka trouvéy vid ( sétadiw pani pyès prézans SENTESPRI an didan moun tala).
Alow vié lèspwi ya ka ripati , shèché , sèt (7) zèspwi pli mové kiy, yo ka antré an mounlan , ka enstalé kò yo, é sitiyasyon moun tala ka vini ankò pli mové ki kon'i téza yé.
Mi sésa ki ké rivé mové jénérasyon tala ."
ANKOURAJMAN
Si diab'la ka anpéchéw li bib ou , ou priyé , siw ka fèw fè vié rèv , siw za toupré di pèd la fwa , mwen ka ankouragéw a rézisté.
Di pwan otorité " O Non de JÉZU" , an réklaman san Jézu anlè kòw , lèspwi é nanm ou .
Mandé le Sentespri di vini pou glorifié Jézu, é i ké kouri dèyè vié lèspwi ya ,é météy déwò an kay ou a.
Ou ké wè , sa ké libéréw !
Mé fodaw kwè vrèman !!!
Sé pa ayen détwanj ki ka rivé
1Pyèr 4:12
Zanmi mwen, fo pa zòt surpwi lè zòt ka wé, difé soufwans lan o milié zòt, pou mété zot a lépweuv, kòm si sété an bagay étwanj ki té ka rivé zòt.
Okontrè, fòk zòt kontan , de pran paw, a soufrans Jézu-a , konsa zòt ké dan lajwa lè glaw li ké dévwalé
