An légliz vréman , sé an group moun ki mété fwa yo ansanm an jézu. Ensi yo pé réyini kó yo nenpót koté, piske sé yo ki légliz la, é non batiman-an.

An fèt sé konsa sa té toujou yé an prèmyé syèk'la. Pour èkzanp kouté sa lapòt Pòl ka di filémon ki sé an frè ki té ka konbát épi yo, pou té fè lévanjil la avansé. i té ka diy dan Filemon versè 2 :" kiy té ka voyé bonjou ba tout' moun, notaman, a légliz la, ki téka réyini lakay li ya". Donk épi sa sèlman ou ka wè ke légliz la, sé pa an batiman, piske Pól ka di Filémon konsa, ke i ka salwé légliz la ki ka réyuni kay li ya . Ou wè ? 

Ni anlo dót ekzanp :

Romen chap 16:5  " salwé osi légliz la, ki lanmézon'w lan."

 Dan korentyen 16:19 ou ni ankó "légliz la ki lanmézon yo-a, ka voyé bonjou ba zót."

Ou ni ankó dan kolosyen 4:13 .

Ou ka byen wè ke sé pa èkzanp ki ka mantjé.

Lè Jézu ké vini shèché légliz li ya , fók ou sav , ke sé pa an batiman i ka vini shèché , mé sé tout' moun ki asou tè ya, ki ka fè volontéy, ke i ké vini pwan pouy pati épi yo.

Pastè Hash