Jeùn "konsacré" ya, sé lèr wè an moun ka ofè Bondié an bagay ki sen, sétadiw ki pwòp.

Pas' ni anlo moun ka rété san manjé pandan pliziè jou ; sa ka dépann di mounlan; ni ki ka rété an jou, dót dé jou , é dót pliziè jou, é a la fen yo ka diw , yo té an jeùn. 

 Mwen lé présizé atjèlman: kisa ki an jeùn konsacré. 

Ni an lo jeùn ki pa jeùn spiritjèl, kon grèv de la fen, moun ki rélijieu, ka anni rété kon mwen fini di ya ,dé twa jou san manjé, é pou yo sété an jeùn, pandan tan-an , sé plis an réjim' mounlan téka fè.

Menm défwa , lè an malè rivé, tout' swit an moun pé rété tout' la jouné ya, san manjé,fè kò yo lapenn, é atann ke JÉZU béni yo, é lè yo wè pyès gwas paka désann , yo ka anni di ke Jézu pa anmen yo, ou ke Bondié abandoné yo, menm ni dòt ki ka di, ke Bondié paka èkzisté, mé yo péké janmen di, ke sé paske jeùn yo-a paté konsacré.

 

Donk kisa ki an jeùn konsacré ?

 

Mwen ké diw:

Sé an jeùn ki débarasé de tout mové bagay(nou ké di salté) sétadiw bagay ki ka anpéché Bondié onoré jeùn lan , menm siy té lé .

Pou ekzanp lèw ka jeùné, fòk ou pwan konsians ke Bondié ka wèr, é fòk ou ni, an konpòrteman, ki ka atesté ke ou konsian ke Bondié ka gadéw. Le fèt de pwan konsians de sa-a, za ka baw an bon pwen douvan Bondié, piske ou ka montréy, ke ou pa endiféran a regar li. la, nou pé di ke jeùn ou-an, konsacré. Paske le fèt de pwan konsians ke Bondié ka gadéw, ou ka témwanié par la, ke ou sensèr, é Jézu anmen sa, mé i pa anmen lendiférans, lendiférans sa vé di :"kèw paka fè ka di Bondié", é Bondié ka di ke moun tala ki konsa-a, fopay atann kòy di risouvrè ayen de li .

Alòw lèw ka jeuné, rann li sen , pou Jézu pé béniw, pa konyonné kòw, siw mété kòw ka fè jeùn lan nenpòt kouman, é kwè ke Bondié ké béniw , la, konsians ou, vini avèg, pas' ou péké jen wè jeùn tala ekzosé .

Ke Bondié Béniw ! pastè HASH.