ÉZAYI 47:10

 

• Mi sésa ki ké rivé tout' malfentè .

 

Sétadiw : Majisyen, Tjenbwazè, ougan,vwayan,

Anfen : Tout' moun ki ka tiré djab'la pa latjé .

 

10 Ou té mété konfyans ou, dan la méshansté, ou té ka di: ke pèsonn paka wèw !

Sajès la, épi konésans lan , ou té ni yan, sédwir.

Ou téka di an tjèw : Mwen ! mwen an zafè mwen !

11 Ébyen ! lésé mwen diw, malè ya, ké tonbé anlèw, ou péké ni tan wè solèy la lévé ; Kalamité ké tonbé anlèw é ou péké pé konjuréy ;  ou ké pèd tout saw ni, o moman an menm, ke ou paka atann kòw la . 12 Sé pa la maji ou té ka fè, épi tjenbwa ?

Ou konsakré tou't jénès ou, ka fè sa; Pétèt ou ké pé tiré pwofi di sa, ke ou ké vini an gwo malnèg ? Ébyen non !

13 Ou fatigé kòw afòs ou alé wè vwayan: Di yo vini sovéw, sé mounlan ou téka alé wèya, swadizan ke yo té konnèt syèl la, ke yo téka obsèrvé zétwal, ke yo téka anonsé la plenn lin' épi tousa ki pou rivé ! 14 Ében ! mwen ké diw, sé moun tala sé kon pay' yo yé, difé ké pwi andidan yo , twè vit, yo ké bwilé an lanfè ya : Sé péké kon an ti chabon difé pou chaufé kòw, ni an ti difé ke ou pé asiz bòy ! 15 Sésa ki ké rivé sé mounlan ke ou té ka fatigé kòw alé konsilté ya. É osi sé tala ke ou téka fè biznès épi yo a, dépi lèw té jenn lan, mwen ké chayé yo, é péké ni pèsonn pou vini sovéw .

 

 

• Péché ka anpéché Bondié kouté nou . 

kèlkeswa péché ya , pas' douvan Bondié : Tout' péché sé péché . 

Pa kouyonné kòw !

 

Ézayi 59:1 

Mi sa ki di :

"Non lanmen Bondié pa two kout' pou sové, ni zorèy li pa two rèd piy tann. Mé sé péshé zót ki ka mété an séparasyon ant zòt épi Bondié; sé péshé zòt ki ka fè Bondié caché fidjiy pou zòt pa wèy, é sé péché zòt toujou ki ka anpéchéy kouté zòt."

 

Dapré sa tèks la ka di, ou ka byen wè ke sé nou menm, ki ka anpéché kò nou, risouvwè gwás la .

Bondié ka byen di adan boush Ézayi :" ke nou ka kréyé nou menm, an séparasyon épiy akòz de péché ya ."

Alów si ni séparation, donk´ pani pon, ni piès entèrmédyèr .

Péché ya ka koupé, tout´relasyon'w épi Bondié.

Alòw atjèlman , ou dwèt konpwann ke siw bizwen Bondié èkzoséw, sé pa kréyé séparation ant' wou épi Bondié! Akóz di péché .

 É alètala tout´ bagay ké rétabli . 

Glaw a Jézu !

 

•  Jisteman! ki moun ki di , pa fè notrepèr la ankó ?

Mwen sé byen voudré sav !

Adan Lévanjil Luk la chap 11:1

Misa ki di.

1 An jou Jézu té alé an koté pouy té priyé.

Lèw wèy fini priyé , yùn adan sé disip li ya diy konsa:

" Sénieur, apwann nou priyé kon Jan apwann sé disip li ya." 2 Misa i di yo : "Kon zòt ka priyé , Misa pou zòt di :

Papa nou wou ki an siél la !Ke Non'w sanktifié(rèspèkté) ;Ke koumandman'w rivé ;Ke volontéw fèt anlè tè ya kon i ka fèt an syèl la. Ba nou jódiya, pen touléjou nou;Pardoné nou sa nou ka fè ki mal ,Kon nou ka pardoné osi moun ki fè nou mal tou;Pakité nou tonbé adan tantasion,Mé délivré nou di diab'la.Paske sé taw yùn,Koumandman, glaw,épi pwusans pou tout tan ka vini . Ensiswatil

Jézu di anlòt bagay ankò konsernan lapriyè. Dan Matjé chapit 6:5

i di konsa :

" Lèw wè zòt ka priyé, pa fè kon moun ipokrit: yo anmen priyé doubout adan légliz é adan tout kwen lari, pou fè moun wè yo. Mé mwen ka di zòt konsa: É sé lavérité, yo za risouvrè, sa yo té ka chèché ya ." ( sétadiw yo pa risouvrè ayen, paske Bondié paka èkzosé ipokrit .)

 

Ni anlo moun ki ka rifizé fè notrepèr la . Poutji ?

Paske pou yo lapriyè tala pa asé fò.

Yo menm di, ke lapriyè tala sété an nèkzanp, poutan, mwen pa jen li ke Jézu di sa .

i di yo, mi konsa pou zòt priyé!

(Ment'nan sa paka anpéchéw formulé dòt demand a Bondié.

i pa diw non pli, pa fè dòt lapriyè, pas' li menm ka di priyé lézen pou lézot .

Mé sa mwen lé diw la, sé ke notrepèr la ,kapital. An ti èkzanp : 

"sarwè ou ka oubliyé di, twè souvan lèw ka priyé Bondié: sésa!"

          Pardoné nou sa nou ka fè ki mal,Kon nou ka pardoné osi moun ki fè nou mal tou.

Mé adan notrepèr la, ou pépa oubliyé diy, pas' Jézu téza entégréy.

i sav twè byen ke bonmaten, anmidi , oswè ,tout moun ka péché.

é pa ni yùn ki pé vini diy konsa , ke sa pa vré say ka di ya, kiy ka manti.

Mé pou lézòm! notrepèr la pa asé fò.

Pas' ni anlo avan yo té konnèt Jézu , yo téka li vié liv, sétadiw yo té ni labitid résité pou té kriyé diab'la, é kòm maji yo-a téka maché , lè yo téka aplé lisifè.

Donk la, yo ka konpwann ke épi Bondié , sé menm bagay la.

sé pousa yo pa lé fè kon Jézu di yo-a . Yo za two fò dapré yo two gwonèg.

Lésé mwen diw: Notrepèr la ni tout pwusans Bondié andidan'y.

Jézu ka ridi , adan menm Lévanjil Matjé ya: Chapit 6:7

"Lèw ka priyé pa répété anlo pawòl initil, pawòl pwayen kon anlo pèp ka fè :

Yo ka konpwann ke sé afòs répété pawòl ke yo ké ègzosé. Pa imité yo, pas' PAPA zòt ki an syèl la, sav tousa zòt ni bizwen avan menm zòt mandé liy. Mi konsa pou zòt priyé: 

PAPA nou ki an siè la...

 

 

• Kisa ki la fwa ?

Ébreu chap 11:1 DI KONSA .

Ke lafwa sé kwè saw ka èspéré ya.

Paske ou pépa èspéré san kwé.

Sé lèr ka kwè selman kèw asiré ke saw ka èspéré ya ké rivé.

Donk, pou èspéré , fòkou kwè.

É lè an moun ka kwè é ka èspéré, sèwtènman i ka risouvrè .

 

• JÉZU SÉ : CHIMEN YAN , LAVÉRITÉ ÉPI LAVI.

Pèsonn pépa alé en sièl, san pasé paw li .

Ou pé kwè sa pa vré , mé siw li lévanjil Jan-an (chap.14v6), ou pé chanjé lidé !
                                                                                     JÉZU béniw.

 

• Ou pa sèl ankó

 

Nou ni an moum ki mò ba nou anlè an kwa non-ï sé jézu .

sé pou rézon tala frè épi sè mwen, zòt pa sèl ankò , pétèt zòt té souvan santi kò zòt sèl , mé lésé mwen di zot ke jodiya sa chanjé .

Jézu vini mò ba nou anlè an kwa , i pran péché nou , pardoné nou .

Jòdiya ankò i ka kontinié fèy , pas' i anmen nou . Tout moun pé abandonéw, pé paléw mal , pé menm jijéw, mé Jézu paka fè kon moun , JÉZU sé JÉZU i ka konprann ou, pas' pésonn pa san péché 

 

(éclésiaste versè 7-20 di :" non pani asou latè pésonn ki bon ki ka fè le byen é ki pa janmen péché" )

ou ka wè byen ke pèsonn pépa vanté kò yo douvan Jézu kòm kwa yo san péché.

sé pou rézon tala ke pèsonn pépa jijéw , paske moun tala, o moman an ke i ka jijéw la , i pa san péché , ou ka wè .

sé vrèman par gras' ke nou sové . An nou ba jézu glaw tou lé jou . Mèsi Sénieur .

Nou paté ké sa janmen sòti di pwop fòs nou anba lanmen satan, mé Jézu épi san ï , raché nou an lanmen djab la .

Mwen té ka di o débu , ke ou pa sèl , menm si djab la soukwéw , menm siy fèw fè saw paté lé fè.
Jézu sav sa , i wè tout bagay la, li sèl konnèt la vérité, pas' i sé lavérité é la vi . i sav ke djab la sé an mantè é sé andidan moun ki paka kouté Jézu ke djab la ka antré pouy fè ti manmay Bondié tonbé, mé Jézu gran, i di : dan proverb 24-16 "(déja pou yunn , lèw wè an moun ka sèvi mwen tonbé SÈT FWA, i ka rilévé koy). Mé lè sé méchan an tjilbiché alòw la , yo ni pou viv anlo malè .

Zòt ki krétjen non pa, paw non an sèlman , mé épi tjè zòt , épi nàm zòt, tjenbé rèd, menm si ni tanpèt , siklòn , ouragan , Jézu sé MÈT la , i sa kalmé tousa . Sav ke zòt pa janmen tousèl .

Promès la za akonpli , Sentespri ya la pou édéw, ankourajéw, anmen'w, rapléw tousa Jézu fè baw . Jézu anmenw , ou pa sèl ankò .

 

Matié 11: 28 

JÉZU di vini jwenn mwen , zot tout ki fatigé kourbé épi chay, épi mwen ké ba zòt ripo . aksepté fè sa mwen di zòt fè, é lésé mwen enstwi zòt, pas mwen dous' é humbl en tchè, é zòt ké trouvé ripo pou zàm zòt.

Fók ou déchajé ków anlé Jézu
                                                                                   ensiswatil.

Pastè Hash

 

 

• Bondié bizwen viv an didan'w

1 korentjen 6-19:19 di:

zot pa sav sa , ke kó zot sé tanp sentespri ya ki an didan zot la, é ke zot risouvréy di bondié.

Kó zot pa ta zot ankó,...

  Jézu di nou ke nou sé tanp' sentespri ya ;Mé ès ou sav ke tanp lan sé nanm nou , é pou Bondié pé viv la , fòk la byen nétwayé , byen pwòp,Si an nàm lan jisteman  nou ni yen ki vié pansé, méshansté, palé moun mal, manti, jijman é tousa ki pa bon , kouman nou lé Bondié viv an didan nou , ou kouman nou pé èt , tanp sentespri ya .Pas' bondié SEN , JÉZU SEN , LESPRI bondié SEN , si nou ka sali nàm nou par tout' sòrt de bagay, mwen ka wè mal kouman Bondié pé viv an didan nou , é kouman nou pé vini tanp Sentespriy la . Pastè Hash

 

 

• An nwayo ou an grenn fwi, kon'w lé !

 

Sé an nègzanp mwen ka pwan pou mwen di ke tout grenn fwi ka pouri an jou .Pas' grenn fwi tala té fizik, matéwyèl, ou ka wè !Mé lè sé an nwayo ki vini de BONDIÉ, ou an grenn fwi, kon'w lé!  i pa fizik, ni matéwyèl, "i ispiritjel" é pèsonn pépa détwiy , moun pé fè sa yo lé , mé yo péké janmen sa détwiy, yo ké plito détwi kò yo, fanmiy yo, mé pa sa BONDIÉ BA.Pas Bondié anmen tout sé mounlan i voyé ya .Paw lentèrmédièw sé moun tala ,i béni anlo, i djéri, sové, rétabli foyé, délivré yo anba satan, i fè yo konnèt ki moun ki té jézu, i ankourajé yo.i fé anlo bagay ba yo. épi an jou, menm sé moun tala ke Bondié té sové ya, paw sé sèrvitèy la,Lòwgèy anvayi yo ,DIAB LA ANTRÉ AN SÉ MOUN TALA. Yo oubliyé tout byen Jézu té fè yo paw lentèrmédièw sé sèrvitèy la. Yo mété kò yo ka goumen épi Bondié! Byensouvan an moun chajé àfòs i ni péché an kòy, mé li, i ka wè péché toutmoun, pas pou li douvan Bondié sé li ki pli pwòp,pliklìn, dapréy!Lévanjil la ka di, lèw wè an moun touché an moun ki ka sèvi BONDIÉ, sé kòm si sé Bondié li menm yo menyen ,kòm si sé grenn zié Bondié menm mounlan touché.lè Bondié ka palé di sèrvitèy, i paka palé di sé mounlan ki : enpwovizé kò yo pastè ou ki otoproclamé yò pastè ya , i ka palé de moun i wen, moun i badijoné épi lwil SENTÈSPRI YA. Ensiswatil . pastè HASH