Foli lézòm

Bondié , sé wou ki kwéyé tout bagay, poutji lézòm poko konpwann sa, pou yo pé arété kò yo adan kous' fòl yo-a; é réfléchi tibwen, pou konpwann ke sé wou ki kréyé yo osi, é ke yo ni pou yo onoréw, adoréw, antan ke kréyatè .

Olyé yo fè sa, yo simen ay garé kò yo , an tout' kalité bagay. Yo ka jwi plènman de tousa ou kréyé, mé yo pa lé fè volontéw pyès toubannman.

Pawkont', yo sé voudréw toujou pwézan , lè yo malad, lè zafè yo paka maché, lè yich yo ka soufè, anfen lè yo ni pwoblèm!

Kòm si pou yo , ou téké an pyon, an mawyionèt kwa!

Lézòm ka kité lentèlijans yo garé yo.

Yo ka fè tout' sòwt de rechèrsh yo ka dékouvè anlo bagay, gwas a lentèlijans lan ou ba yo-a.

Mé apwé sa , yo ka fini paw adoré, sa yo dékouvè ya, yo ka fini paw idolatré sa lentèlijans lan fè yo dékouvè ya, é konsa yo ka konfòrté kò yo dan lidé , ke Bondié paka èkzisté. 

Yo tèlman avéglé, ke yo paka konpwann , ke sé dékouvè ke yo ka dékouvè, saw kréyé .

Pou sé moun tala, si ni an Bondié, fòk li fè sa yo ka mandéy , sinon i paka èkzisté pou yo; Mi sésa ki LÒM jòdijou.

Mé pou nou, nou pa fou, nou paka viv selon téori, mé paw la fwa!

Nou paka kité idòl garé nou, nou paka kité lasyans garé nou, ni nonpli lentèlijans .

Nou, nou paka kité ke Lòm ke ou kréyé , vini kouyonné nou épi rèv.

Ni anlo ka viv, selon sa moun ka di yo. Yo lé ansényé a dòt ki moun ou yé, mé yo paka kwè an wou . Ensiswatil . Pastè HASH