Sasé an mésaj mwen té préché ni an dizèn lanné déja, sa vré ke ni anlo moun ki mété mésaj tala an mizik. Mé pwoblèm lan , sé ke yo pa janmen aksepté moun lan ki ka sové ya vrèman.Siw ka répété ke relijion paka sové,mwen dakó! 

Mé montré mwen dan la viw, dapwé mannyè ou ka viv, ke ou konnèt moun lan ki ka sové ya: sétadiw Jézu. Mwen lé di, paw konpórteman-w, fè mwen wè ke jézu ki sovè ya, ka viv an didan-w. Mé mwen paka wè ayen, donk sa vé di ke sé an ven ke ou ka répété :"relijion paka sové". Saka prouvé ke-ou toujou adan relijion-w.Lè an moun sav , ke relijion paka sové, sé lèy rankontré Jézu vrèman. Sé selman alè tala i sav sa! Mé siw poko rankontré Jézu, ou pa sav ayen.ou pa sav ni kisa,ni ki moun ki ka sové.Ouvè ziéw aprézan, gadé kwa-a, konpwann sakrifis la, é ba Bondié glaw pou yich tala i ba nou an: JÉZU.

Jézu di : siw anmen mwen pwan kraw épi suiv mwen.

Trè souvan , nou poko tjenbé kwa-a, ke nou zaka trouvéy lou. Alów kouman nou pé suiv li.

Sa lou pouw anmen pwochen-w, pouw pardonéy, pouw pa paléy mal, pouw pa manti anley, tout' sé bagay tala Lou pouw fè, é ou ka di ou ka suiv Jézu . Épi ki kwa alów, an kwa an karton!

Si nou alé pli lwen ankó, nou pé menm di ke relijion sé an koté ou anlo moun ka alé séré vis yo.

Sé kòm si, ou ka mété an lenj nèf anlèw san benyen, an èspès de dégizman, mé dèyè mas' la, sé toujou menm moun lan ki la. Mi sésa ki la relijion jódiya.

Fòk ou sav ke douvan Bondié, tousa sé an gran makakri .

Sa moun ka kriyé relijion jódiya, a lépók sa paté ni menm sàns'lan.Siw pran liv Jàk la pou ègzanp( chap 1v26a27) i di konsa: "si an moun parmi zót ka kwè kiy relijieu, alów kiy paka tjenbé lang li an brid,i ka kwouyonné pwóp tjèy, é relijion-ï lan san valè". Ják di konsa:" ke la relijion pùw é san tàsh douvan Bondié Papa nou, savédi: pwan swen di sé mounlan ki san papa é san manman-an, sé madanm lan, ki pèd mari yo-a ,é ki adan détrès , épi i ajouté: pa kité ków souyé paw mond'lan." Nou wé twè byen ke a lépók, relijion sé paté an dóktryn, ni an enstitusyon ki téka vini dézòm.Mé sété an manniè viv, épi rèspé douvan Bondié, tousenp é anplis' san makakri . Pasté Hash