Sòm 60

1 Sóm David
2 Lèy té alé goumen épi sé siryen yan. Mi say di :
3 Ô Bondié, ou abandoné nou, ou divizé nou.
Menm siw faché, rilévé nou!
4 Ou fè tèya twanblé, ou fann'li.
Réparé fant'li, pas' i paka tjenbé doubout'.
5 Ou fè pèp ou-a soufè anpil, ou ba nou bwè divin ki soulé nou.
6 Pou sé moun'lan ki ka rèspèktéw la, ou fè yo sín de kouri pou flèch la, pa trapé yo.
Sové nou épi pwusans-ou, réponn-nou!
Konsa, nou ki ami'w, nou ké délivré.
8 Bondié palé dépi tanp sen'y lan:" Pli fò-a, sé mwen!
Mwen ké partajé vil Sichèm lan, mwen ké miziré valé soukót la.
9 Galaad sé ta mwen, Manasé sé ta mwen. Éfrayim sé an kas' mwen ka mété anlè tèt mwen.
Juda sé baton koumandman mwen.
10 Moab sé basìn lan, mwen ka lavé kó mwen yan,
Mwen pozé pyé mwen asou Édóm pou mwen pran'y.
Kont la Filisti, mwen ka pousé an kwi ladjè.
11 Ki moun ki ké mennen mwen adan an vil byen protéjé?
Ki moun ki ké kondwi mwen jiska Édòm ?
12 Wou sèl, ki pé fè sa, Bondié.
Mé ou ripousé nou, ou paka konbát épi larmé nou-an ankò.
13 Vini édé nou, kont lènmi yan,
Pas' lézóm paka édé nou vrèman.
14 Épi Bondié, nou ké ranpòrté viktwar la: Sé li ki ké krazé lènmi nou.