Sóm 42
            Pouw pa dékourajé
1 yo pwan'y an liv shèf koral la

2 kon an bich anvi bwè dlo adan an wiso, sé konsa mwen ka déziré'w, wou, Bondié mwen.
3 Mwen swèf de Bondié, de Bondié ki vivan.
Ki jou mwen ké pé antré an tanp li ya, pou mwen prézanté kó mwen douvan'y?
4 lajounen kon lannwit, mwen ka pasé tan mwen ka pléré, pas' yo ka di mwen sanzarè: "Bondié'w la, kisa'y ka fè?"
5 Mwen ka sonjé anlo bagay ki ka touché tjè mwen: Avan, mwen té ka maché a la tét pèp la. Lè nou téka alé o tanp, mwen té an tèt foul la. Té ni anlo kwi de jwa, épi lwanj.
6 Poutji mwen dékourajé konsa, poutji mwen ka plenn kó mwen pou la vi mwen?
Vomié konté anlè Bondié pito!
Wi, mwen ké rimèrsié'y, li ki sovè mwen, é Bondié mwen.
7 Mondié, mwen dékourajé !
Sé pousa mwen ka sonjé'w konsa, koté ya mwen yé ya, an péyi fleuv jouwden yan ;
Bó Piti-Mon, adan sé montán Hermon-an.
8 Alantou mwen, sé lariviè ya ka fè gwan bwi. 

Tout sé vag la, épi tout dlo'y , ka tonbé anlè mwen,
Mwen néyé anba dlo!
9 Ke Bondié montré mwen lanmou'y, diran lajounen!
Konsa lannwit, mwen ké chanté bay, mwen ké priyé Bondié, li ki ba mwen lavi.
10 Mwen ka di Bondié, wóch, solid mwen yan:" poutji ou oubliyé mwen?
Lènmi mwen ka krazé mwen, é mwen oblijé viv dan la twistès. Wi, poutji?"
11 Adversèr mwen ka ensilté mwen.
Yo ka di sanzarè:" Bondié'y la, kisa'y ka fè?"
Sé konsidiré yo téka kasé zo mwen plis' ankò.
12 Poutji fók mwen dékourajé kó mwen, poutji fók mwen plenn sò mwen konsa.
Vomié konté asou Bondié!
Wi , mwen ké toujou rimèrsié'y, li ki sé, sovè mwen, é Bondié mwen.