Som 11

Bondyé sé abwi mwen.

Kouman zòt pé di mwen: « Chapè anlé montàn’lan kon an mèl.»

2 Gadé ! Sé moun mové ya ka bandè ark yo, yo mété flèch yo anlè kòd la, pou yo vizé an sekwè tout’ moun ki ni bon tchè.

3 Kan sé lwa-a ki ka fè lasosyété  fonksioné ya bafoué, kisa moun’lan ki anmen’w lan pé fè?

4 Bondié adan tanp sen’y lan, i asiz anlè chèz rwa’y an syèl la.

Sé dépi la i ka gadé tout’ moun ki asou tèya, y ka obsèrvé yo, byen atantivman.

5 I ka apwésié sé moun’lan ki ka obéyiy la, mé i ka détesté tout’ moun movè ki anmen vyolans.

6 Anlè sé moun tala, Bondié ka fè lapli difé tonbé, é an lapousiè ki ka bwilé.

An van tanpèt ké souflé asou sé moun mové ya.

Mi sésa yo ké risouvrè!

7 Wi, Sényeur la just, i anmen tou’t bagay ki just,

É moun ki ni bon tchè ké pé wè fidjiy.