Mé fout' Bagay tala difisil pou fè .Tout' moun lé vini SEN (pwòp douvan Bondié).Mé lakól la ! Toujou la .Lakól la, ki lé toujou kolé nou épi mond'lan .Ni Lakòl tout' bagay.Sigarèt, grenndé, tjèrsé, konbakók, lakòl lachè, èksétéra , èksétéra .Mé ! O NON DE JÉZU!!!. Tout lakòl ni dwa fonn! Vini non! Dégajéw anba lanmen satan, pwan otorité!Di satan: "sóti bò mwen! ritjilé! fè machawryè, ou za pèd konbaw, a golgota".Mandé JÉZU voyé LESPWISEN anlèw, pouy dékolé tout' lakòl ki ni.Pakité satan maché anlèw, épi JÉZU ou fò paséy.Frapéy épi jeùn épi lapwiyè, épi lwanj, lèw ka li bib la tou, i pè tousa.Pa ézité voyé kou anlèy épi sé bagay tala.I za pèd konbay.Dékolé kòw, di tout' vié bagay lemond. Dékolé kòw, pouw vini SEN, dékolé kòw, pou Bondié pé vrèman viv andidan'w, dékolé kòw , pouy ékzoséw lèr ka priyéy, dékolé mwen diw, dékolé épi lemond. Dékolé ! Pouw pé vini vrèman: Tanp SENTESPWI ya.Ou ni la viktwar, témwanié viktwar tala an vomisan tout´ bagay satan! Jété yo!Jété yo, bwilé yo, séparéw di tousa ki pa bon pou nanm ou.JEZU vivan! An nou bay glaw! Épi anlòt lavi, an lavi, mwen lé di: pli pwòp! An lavi ou li menm ké pwan plézi maché bò nou touléjou.Débarasé ków épi tousa ki ta LISIFÈ, pouw pé vini yich BONDIÉ toulbon. Ensiswatil     Pastè HASH