2 Ô Bondié, fè mwen gwas! ni anlo moun ka pourswiv mwen, touléjou , yo ka ataké wMen, yo ka krazé mwen. 3 touléjou lènmi mwen ka pourswiv mwen.
Yo a pliziè ka fè mwen ladjè, yo òrgéyé .
4 Mé lè mwen pè; mwen ka mété konfyans mwen an wou.
5 Mwen ka chanté mizik Bondié akoz di pawòl li, mwen ni konfyans an Bondié, mwen pa pè.
Kisa an moun pé fè mwen?
6 Touléjou yo ka di yen ki pawòl pou blésé mwen, pou yo fè mwen plis' mal ankò.
7 Yo ka réyuni kò yo, é yo ka véyé mwen an kachèt, yo ka véyé tout' va é vyen mwen.
Wi, yo bizwen tjwé mwen;
8 Ébyen akoz de krim tala, fo pa yo tiré kò yo dafè.
Ô Bondié, mété kòw an kolèw é fè sé moun tala tonbé!
9 Ou wè nonb de fwa ke mwen té oblijé fwi .
Sonjé koumannyè mwen pléré, mwen sèrten ke ou matjéy sa anlè liv ou-a .
10 Alòw lè mwen ké kriyéw o sekouw, lènmi mwen ké fè machawyè.
Bondié épi mwen , mwen sav sa.
11 Mwen ka chanté lwanj Bondié akoz de pawòl li.
Wi, Akòz de pawòl tala, mwen ka chanté lwanj Sényeur la.
12 Mwen ni konfians an Bondié, mwen pa pè.
Kisa an moun pé fè mwen?
13 Bondié , mwen lé tjenn pwomès mwen,
Mwen ké ofèw sakrifis pou mwen diw mèsi.
Wi , ou sové mwen de lanmò, ou anpéché mwen tonbé;
Alòw mwen ka maché douvan'w, adan limiè lavi ya .